影片
更多
2024-06-10
148 浏览
前两日，经网上外卖平台有六折优惠，叫咗个下午茶餐外卖, 卡邦尼海皇焗意粉，仲有招牌咖哩牛腩饭，海皇焗意粉有虾、有蟹柳同蚬肉，材料几足，另外个咖哩牛腩饭，有薯仔、青黄椒，当然仲有牛腩牛筋，少少辣，份量足够，感觉非常唔错，另加两杯嘢饮，只系60蚊。所以今早过嚟试下食早餐，但系个早餐令我有啲失望，叫咗个k餐蒜香脆皮鸡扒，鸡扒炸过久，成个鸡肉食落好嚡及干，跟餐有牛乳炒蛋、牛油粟米及一片青瓜，炒蛋都几大份，但冇味，同时亦叫咗个鸡中翼通粉加煎蛋，个鸡中翼都系偏干，现场冷气唔系好够，职员态度一般。餐厅都多人帮衬，可能啲嘢食，价钱唔算贵，见多人点炸鱼柳早餐，佢嘅鱼柳都几大件夹抵食，呢间餐厅啲嘢食，唔知系撞彩，定系平时都系咁，两次嘅经验体验，完全唔同，报告完毕
张贴