嵐山冰室

营业中

休息中

今日懒洋洋唔想落街买嘢食同埋出去食，所以叫咗外送，一阵又要返工所以叫埋今晚嘅晚餐，咁就可以一个运费叫咗两餐，真系好化算。我用咗唔同嘅角度去分析一下今次嘅餐饮体验。早餐A：浓汁沙嗲牛肉面因为我份人本身细食，所以一个沙嗲牛肉面加只煎蛋对我嚟讲其实都好够，但系对于一啲比较大食嘅人嚟讲，呢个早餐可能唔系好够饱。味道方面呢个笼汁嘅沙嗲牛肉面相当浓味，沙嗲味足够，我认为个汁系好食嘅。牛肉质地正常发挥公仔面质地OK虽然系浓味，但系唔算好咸亦唔系好油。迷你肉酱意粉，香脆鸡翼（2只）依个估唔到相当有惊喜，虽然个size唔系好大，但系个肉酱意粉嘅味真系相当好食，蕃茄味浓唔似有味精𠮶只咸味，意粉质地亦唔错，配埋两只鸡翼炸到脆卜卜相当配搭。餐饮：没有付款方法：信用卡人均消费：$71加两蚊平台服务费等于$73 下次希望试吓煎蛋免治牛肉饭。