影片
更多
2021-09-13
152 浏览
美味故事系旺角一间楼上良心Cafe，地点方便入口系一座旧式商业大厦，楼梯上一层就到。餐厅占地全层地方非常阔落，台同台空间十足。装饰地方都唔少角落仲有一个小型舞台摆满乐器，唔知系唔系不定期会变身私人音乐聚会之地。.今日被安排坐系近窗边既榻榻米区，张枱大到应该可以容纳到六个人。餐厅地方大用QR code点餐唔使下下揾店员，夜晚去餐牌有套餐或者散叫，食物饮品甜品种类五花八门，净系决定食乜都研究咗好耐。.晚市二人餐嘅食物选择太多所以简单点一个乜都有嘅二人餐。套餐包括：餐汤、蒜蓉包、沙律、小食、主菜、配菜、餐饮，套餐加钱仲可以叫埋甜品。真系一次过满足晒所有愿望。.二人套餐💲4381️⃣餐前西瓜冰一坐低餐前店员先奉上西瓜冰，细细杯冰解渴消暑。.2️⃣餐汤3️⃣蒜蓉包有南瓜汤同埋蘑菇汤两种选择，属于迷你版，南瓜汤较好味蘑菇汤有少少清淡。蒜蓉包有烘热香脆。.4️⃣沙律唔好以为沙律就系House Salad，餐厅提供左足五款唔同配料同酱汁嘅沙律选择，十分之有诚意。我哋试咗日式蟹柳麻酱沙律同埋香橙柚子烟鸭胸沙律，两款都唔错。.5️⃣小食小食一样好有诚意都有五款选择， 试咗紫菜鸡卷同埋烟三文鱼他他多士。紫菜鸡卷卖相唔算打卡ab
.
今日被安排坐系近窗边既榻榻米区，张枱大到应该可以容纳到六个人。餐厅地方大用QR code点餐唔使下下揾店员，夜晚去餐牌有套餐或者散叫，食物饮品甜品种类五花八门，净系决定食乜都研究咗好耐。
.
晚市二人餐嘅食物选择太多所以简单点一个乜都有嘅二人餐。套餐包括：餐汤、蒜蓉包、沙律、小食、主菜、配菜、餐饮，套餐加钱仲可以叫埋甜品。真系一次过满足晒所有愿望。
.
二人套餐💲438
1️⃣餐前西瓜冰
一坐低餐前店员先奉上西瓜冰，细细杯冰解渴消暑。
.
2️⃣餐汤
3️⃣蒜蓉包
有南瓜汤同埋蘑菇汤两种选择，属于迷你版，南瓜汤较好味蘑菇汤有少少清淡。蒜蓉包有烘热香脆。
.
4️⃣沙律
唔好以为沙律就系House Salad，餐厅提供左足五款唔同配料同酱汁嘅沙律选择，十分之有诚意。我哋试咗日式蟹柳麻酱沙律同埋香橙柚子烟鸭胸沙律，两款都唔错。
.
5️⃣小食
小食一样好有诚意都有五款选择， 试咗紫菜鸡卷同埋烟三文鱼他他多士。紫菜鸡卷卖相唔算打卡able但食落唔错，紫菜夹鸡肉中间仲有蟹柳，属于正评项目。三文鱼他他多士就系我成晚最钟意嘅部份，感觉有啲似细个好钟意食嘅罐装吞拿鱼沙律多士。
.
6️⃣主菜
主菜又系有非常多嘅选择，七拣二之下拣咗西京烧三文鱼扒同埋邪恶牛油果酱鹅肝汉堡。其实好想试吓佢哋慢煮牛扒，不过最近食咗太多扒要转吓新野。三文鱼扒超大块，皮煎得香脆酱汁入味。而鹅肝汉堡，当然呢个价钱唔会期望有大大块鹅肝，但成件事好邪恶鹅肝浅尝已经刚好。汉堡扒非常厚，配埋芝士牛油果酱蕃茄同菜呢类汉堡包稳胆项目，汉堡包有煎香唔马虎，好难唔好食。
.
7️⃣配菜
配菜四拣一。又系估佢唔到，竟然连肉酱意粉都有。叫咗肉酱意粉同埋薯菜，还好佢嘅薯菜真系薯仔唔系薯条，如果唔系一定搞唔掂。我见仲有几特别既墨鱼汁冷面，但系呢份餐已经太多嘢怕食唔晒冇叫。
.
8️⃣餐饮
除咗港式嘅咖啡奶茶之外，呢度嘅餐饮仲有橙味水果茶，甜度同冰度有得自选仲要唔使补钱👍🏻。
.
本来有考虑过试埋甜品，但系呢份餐实在太丰富已经食到饱晒，有机会先可以再试。
.
总结：值得一题喺呢度服务员嘅态度非常好，关心左我哋几次食物质素满唔满意。餐厅地方阔落，感觉休闲，餐单选择多各适其适，食物出品有诚意，系一间几适合朋友聚会嘅餐厅。
张贴
