真‧章魚無雙 (已改名) 查看

系旺中2/F同3/F行左一圈，发现都系呢间章鱼烧店系最多人排队买&等 (即系味道同质素都有保证?! 😆)。呢度既章鱼烧一共有12款，而且各有特色，今次我+$2叫左个8粒双拼。由落完单到拎到手大概等左20分钟左右，如果赶时间的话，都唔太建议试。同埋负责收银的店员态度一般🗣，问左几次宜家去到咩no.都只系讲未有，最后我见佢一次过拎左5-6盒出黎... 可能有d客明明可以食到热辣辣的章鱼烧，但到最后等到冻左dd先食到... 🙁 只能够话我好彩可以食到岩岩烧好的章鱼烧。真·蜜糖芥末章鱼烧 + 真·樱花虾章鱼烧 ($43)章鱼烧外层烧到好香脆，内层软身但唔会太多面浆，加上每一粒章鱼烧入面都有2-3粒既小章鱼粒🐙，好足料，系名副其实的外脆内软。樱花虾偏大只，配埋少少辣的蛋黄酱一齐食，好味😋 不过我就更偏好蜜糖芥末味🤤甜甜酸酸好开胃。我觉得木鱼丝可以俾多少少🤏🏻，就更好了。