博多拉麵別天神 (已結業)

今日嚟咗呢间系尖沙咀嘅拉面店！成日经过呢度都见到呢度有间细细的拉面店好想试，今次专程黎试吓！呢度嘅选择唔多，只有两款面选择，另外可以配埋饺子同小龙虾蟹子沙律~豚骨汤拉面，一碗有大概3块叉烧。先试汤底，佢唔似平时出面食开嘅汤底咁油腻同浓味，呢度感觉猪骨味更浓，味道比一般拉面店清淡，叉烧半肥瘦，唔会好鞋口！如果唔想食死咸嘅拉面可以试吓呢间，猪骨味好出！虾味增豚骨汤面，呢个加埋少少樱花虾同粟米更有口感，汤底相对上浓少少，有淡淡的樱花虾香味！沙律几令人惊喜！因为食到爽口嘅虾肉，雪冻左之后夹埋紫菜一齐食味道好夹！略嫌饺子煎得唔够脆身~最后仲送咗两个卡套添！