皇室盛宴 (已結業)

作为一个系中环番工既我，食晏当然唔太想同其他人逼，一黎坐得唔舒服，二黎赶头赶命咁食对身体消化又唔太健康。至于点样揾到呢间餐厅，就系听朋友介绍，话呢间环境都几好，会播歌比你静静地听下音乐，慢慢享受下你份lunch，唔会食完就叫你埋单走人既餐厅。不过同事话最好打电话问有冇开先，因为佢地试过摸门叮，可能唔系每日都开。烟三文鱼蚬肉扁意粉呢份意粉望落细细碗，食落原来都几多，完全低估左佢既份量，件烟三文鱼质素有番咁上咁下，同平时食开既烟三文鱼都有几大既分别，油份比较重，带少少松露味。意粉就相对比较香口，加左少许辣椒去炒，味道都还可以。Lunch set包餐汤 (一杯仔)，主菜，甜品同饮品，食物尚算可以，胜左环境比其他一般餐厅优胜，性价比亦颇高，值得一试。