影片
更多
2018-10-16
64 浏览
是日重阳节前夕，早上港铁又有故障，返到公司已经好攰，非常期待放工约朋友食饭。我哋一行三人，约咗喺铜锣湾食晚餐，我朋友介绍黎呢间位于登龙街嘅泰国餐厅，话呢度嘅厨师系泰国人，食物味道非常正宗。晚上时段可以以$288一位嘅价钱任食串烧，又或者选择a la carte。难得嚟到咁正宗嘅泰式餐厅，我哋当然想试下各式各样嘅菜式啦，所以最后拣咗a la carte 。唔大食嘅我地叫咗一个沙律，一个汤，一个菜，同埋一个饭。柚子大虾沙律：泰菜味道一般黎讲都比较浓，叫个沙律食黎中和下就最好不过。加入左柚子同大虾嘅沙律，配上沙律汁，味道清新，令人越食越开胃。脆肉干炒椰菜苗：椰菜苗炒煮时火候刚刚好，软硬适中，加入脆肉干炒，咸味恰到好处，食落好有口感。明炉鲜虾冬荫公汤：食泰国嘢又点少得饮冬荫公汤呢？钟意食辣野既我，冬荫公系我去到泰式餐厅必叫既菜式之一。冬荫公其实系泰式酸辣汤，系由南姜、酸子、香茅、青葱、酸柠檬、辣椒同鱼露调制而成。呢度既冬荫公汤一客大约有六碗左右，以明炉送上，有明火保持温度，只系卖相已经非常震撼。呈橙红色嘅冬荫公汤，上菜时热辣辣，香料十足，仲散发出阵阵香味，配料方面亦都好足，有菇、蕃茄同虾等等，
我哋一行三人，约咗喺铜锣湾食晚餐，我朋友介绍黎呢间位于登龙街嘅泰国餐厅，话呢度嘅厨师系泰国人，食物味道非常正宗。晚上时段可以以$288一位嘅价钱任食串烧，又或者选择a la carte。
难得嚟到咁正宗嘅泰式餐厅，我哋当然想试下各式各样嘅菜式啦，所以最后拣咗a la carte 。
唔大食嘅我地叫咗一个沙律，一个汤，一个菜，同埋一个饭。
柚子大虾沙律：泰菜味道一般黎讲都比较浓，叫个沙律食黎中和下就最好不过。
加入左柚子同大虾嘅沙律，配上沙律汁，味道清新，令人越食越开胃。
脆肉干炒椰菜苗：椰菜苗炒煮时火候刚刚好，软硬适中，加入脆肉干炒，咸味恰到好处，食落好有口感。
明炉鲜虾冬荫公汤：食泰国嘢又点少得饮冬荫公汤呢？钟意食辣野既我，冬荫公系我去到泰式餐厅必叫既菜式之一。冬荫公其实系泰式酸辣汤，系由南姜、酸子、香茅、青葱、酸柠檬、辣椒同鱼露调制而成。
呢度既冬荫公汤一客大约有六碗左右，以明炉送上，有明火保持温度，只系卖相已经非常震撼。
呈橙红色嘅冬荫公汤，上菜时热辣辣，香料十足，仲散发出阵阵香味，配料方面亦都好足，有菇、蕃茄同虾等等，入口又酸又辣，好开胃。
原个椰青海鲜焗饭：原个椰青海鲜焗饭虽然制作需时，但系无论卖相又或者味道都非常出色。
原个椰青加入青口、大虾、鱿鱼、腰果、杂豆等材料连埋饭去焗，上枱时散发出阵阵椰子香味，味道亦都非常清香，唔会太浓或油腻，加埋椰青肉食更加增加整体嘅口感，非常美味。
食完饭后，店方为我地送上班兰糕做甜品，味道清新，入口唔会太甜，非常满足。
埋单每人都系$200左右，铜锣湾繁荣嘅地区可以揾到个地方俾我哋慢慢倾计，真系算唔错㗎啦。
张贴
