Romanne Leisure Food Concept (砵蘭街) (已結業)

旺角嘅餐厅真系无处不在，今日喺朗豪坊买完野，但系又唔想喺朗豪坊食，就去咗隔离嘅朗晴坊呢间Romanne Leisure Food Concert。餐厅入面有大大个玻璃窗，感觉非常开扬。Lunch Set可以选择汤或者沙律，是日餐汤系南瓜汤，几香几滑。而是日沙律就系新鲜蔬菜配以胡麻酱，味道清新。其中一份主菜就拣咗特选澳洲有骨肉眼扒配薯菜，牛扒超大块。我就选择咗五成熟。配菜嘅瓜类好丰富，薯仔都一样咁好食。另外仲拣咗烤大啡菇芝士自家制牛肉麦汉堡配香料薯条，原来除咗配薯条，仲加有沙律菜。汉堡横切面层次分明，自家制汉堡扒果然够厚身，多汁又好味，而我更加欣赏佢嘅面包系采用麦包，真系几特色。香料薯条新鲜炸起热辣辣，外脆内软，调味仲好香好好味。朱古力焦糖奶昔又香又甜，夏天饮返杯冻饮就啱晒。虽然焦糖Latte冇拉花，不过奶嘅比例都好足够。