Catee (已結業)

初时上网research 到呢间cafe都以为系有真猫既cafe,不过原来系猫主题既cafe，实情呢到系冇猫咪既，不过就感觉到店主系爱猫之人，周边都布置得同猫咪有关。整体环境都几舒服，不过如果张台再大小小就好了，但始终香港地租金真心好贵。8点黎到唔洗等， 刚好有张二人台，入面都几多情侣同一家大细食饭，气氛热闹几唔错，叫支酒可以系到慢慢倾。呢间羊扒真心唔错，4件都煎到香脆肉嫩，medium rare刚刚好，连骨既肉真系好好食，而薄荷酱都好好味。其他配菜如炒菇及薯蓉都正常发挥。白酒蚬肉加入左青酱使用既香料都算系神来之算，非常浓郁又充满香料清新既味道令我地一口接一口冇停过。食到最后仲想问可唔可以叫个面包配个酱汁食🤣🤣🤣西班牙海鲜饭亦份量十足，海鲜铺满成个饭，几片柠檬既清新味道好夹个饭，食哂都唔觉好漏。不过个黄姜味都几出，如果唔钟意黄姜既朋友可能要请店家提供多小小柠檬调下味。最后个set连汤 沙律及甜品，都系水准之内，推荐大家加30升级做套餐。