BRICK LANE (利園六期) (已結業)

Brick Lane 偏离铜锣湾正中心位置，旺中带静。餐厅靠街𠮶边全部系玻璃，阳光可以透入室内，和暖舒适。单车系餐厅嘅主题装饰，坐喺室内，望住车来壤往嘅街道，令人有一种喺马路旁边嘅单车径上面踩单车嘅感觉，悠闲自在。🥚Eggs Benedict with 🐟 Smoked Salmon ($135)卖相吸引，伴碟有心思。松饼出奇地好食！富有麦香，新鲜有弹性。烟三文鱼唔会太咸，沙律菜清爽。如果荷兰酱多啲，会更加好食。跟餐仲有一碗周打鱼薯仔汤给一片法包。法包外皮脆身，包芯松软，简单好味。餐汤浓稠，鱼味十足，而且仲可以食到一丝丝嘅鱼肉。🍵Green Tea Latte ($45)转用脱脂奶，口感依然幼滑绵密。绿茶味浓，冇苦涩味。