部屋咖啡室

喺旺角中心地带要揾一个地方chill下hea下，呢间café系一个唔错既选择，餐厅地方虽然唔大，但每枱坐位都好濶落，坐得好舒服。Café仲提供好多board game 比顾客玩，种类多到数唔哂，梗拣到一款啱玩既! 唔玩game的话都仲可以拎本旅游书睇下。叫左个二人套餐慢慢食住hea下，套餐有炸蟹饼、任选一个10吋手拉pizza、意粉或饭一客，同餐饮2杯，咁多嘢食都只系$308，抵食!炸蟹饼 : 又香又弹牙，好食!香辣虎虾海鲜意粉 : 好多配料，有虎虾、青口蚬肉、鱿鱼，洋葱同青椒，茄酱加左tabasco，酸中带点辣特别开胃。西西里pizza : 辣肉肠、蘑菇、青椒同肉粒，pizza焗到脆边，好得!饮品 : 意大利泡沫咖啡同水果茶，咖啡香浓，水果茶系百香果味道，清新又消暑。