Le Viet (已結業)

约朋友食饭旺角最就脚，位于银行中心非常方便。美食多款仲有优惠，可算是经济实惠，而且环境宽敞，枱与枱距离疏远可自成一国，食得十分自在。精选越式拼盆 $98小食四款非常满足，烧猪颈肉口感爽弹，炸虾饼香脆有咬口，越式春卷脆卜卜馅料肉碎粉丝几好食。扎肉蒸粉包皮薄馅靓，馅料有木耳肉碎蒜片香葱扎肉，口感爽脆味道丰富。越式咖哩软壳蟹锅配法包 $93咖哩用火加热食的确好味，咖哩甜而不辣带少少椰香，法包索汁食都唔错，炸软壳蟹食时先沾上咖喱汁保留口感松脆。仲有好多薯仔，食完都几饱。香茅烧乌头 $173烧乌头制作需时最尾先上。乌头大条够二人食用，鱼肚塞满香料。揭开鱼皮香喷喷，鱼肉雪白肉质厚实，食落唔腥无泥味，有少许细骨要小心食，醮埋越式酸辣酱，辣酸开胃好食。