心選 (已結業)

个个朋友都知道我好喜欢周围试新野，我成日都讲旺区好难揾私窦，即系静静地倾吓计嘅地方，有人就介绍我呢一间野。佢响旺角广场正正对面，大厦门口好细，要好留心先睇到，但呢啲嘢，对于做过侦探嘅我，又有乜难度呢？搭lift上3楼落一层就到。一坐低Sofa几舒服，开始想叫嘢食。服务员就好特别俾个牌我叫我自己写。都几好！写完个牌之后，服务员就收返个牌。几特别！我哋叫咗两个意粉，第一个系蒜蓉海鲜炒意粉。第二个系蘑菇烟鸭胸意粉。饮品方面女士叫咗蓝莓奶昔，我就叫咗水蜜桃梳打。嘢饮到咗，女士便称赞蓝妹奶昔好啱佢，因为系唔甜，我个杯系水蜜桃梳打甜度啱啱好。我最怕𠮶啲，饮落去甜到殴。同我不嬲嘅说法一样好食系唔使讲。是必须。如果钟意静静地，倾吓计呢度都算几舒服。