影片
更多
2021-06-17
83 浏览
今日收工喺铜锣湾行咗阵街，男朋友点心瘾起，但酒楼晚市冇点心，所以就上open rice拣咗呢间笼太子点心专门店止止瘾。餐厅位置系兰芳道，离希慎广场几分钟路程，都好方便。入到餐厅店员安排我地坐4人枱，空间十分足够。点心选择同酒楼差唔多，不过好处系有啲点心可以拣2只或4只，啱晒两个人去可以试多几款嘢食。 我地最后叫左笼太子虾饺皇、鲜虾烧卖皇、海皇芝士千丝卷、名酱蒸凤爪、红油抄手、原味鲜虾肠、雪山叉烧包同辣牛肉大春卷。先嚟嘅系雪山叉烧包，类似菠萝包嘅外皮带甜，面包松软，配上蜜汁叉烧馅，好夹！ 招牌笼太子虾饺皇同原味鲜虾肠皮薄馅靓，特别系虾饺个馅好饱满，虾肉爽口弹牙，值得一赞。食点心又点少得烧卖，呢个烧卖皇睇相都见到够晒大粒，好足料。 名酱蒸凤爪入晒味！红油抄手调味唔错，辣度刚好，平时唔太食得辣嘅男朋友都赞好食。 海皇芝士千丝卷炸得脆卜卜，馅入面有芝士、鲜虾、芹菜等，芝士仲可以拉丝，钟意食香口嘢嘅朋友唔可以错过!最后辣牛肉大春卷系用左植物牛肉，几有新意。食落一啲都唔似素肉，真系几可乱真！ 重点系食到捧住个肚，埋单两个人平均都系$100左右，超抵食！
入到餐厅店员安排我地坐4人枱，空间十分足够。点心选择同酒楼差唔多，不过好处系有啲点心可以拣2只或4只，啱晒两个人去可以试多几款嘢食。 我地最后叫左笼太子虾饺皇、鲜虾烧卖皇、海皇芝士千丝卷、名酱蒸凤爪、红油抄手、原味鲜虾肠、雪山叉烧包同辣牛肉大春卷。
先嚟嘅系雪山叉烧包，类似菠萝包嘅外皮带甜，面包松软，配上蜜汁叉烧馅，好夹！ 
招牌笼太子虾饺皇同原味鲜虾肠皮薄馅靓，特别系虾饺个馅好饱满，虾肉爽口弹牙，值得一赞。
食点心又点少得烧卖，呢个烧卖皇睇相都见到够晒大粒，好足料。 
名酱蒸凤爪入晒味！
红油抄手调味唔错，辣度刚好，平时唔太食得辣嘅男朋友都赞好食。 
海皇芝士千丝卷炸得脆卜卜，馅入面有芝士、鲜虾、芹菜等，芝士仲可以拉丝，钟意食香口嘢嘅朋友唔可以错过!
最后辣牛肉大春卷系用左植物牛肉，几有新意。食落一啲都唔似素肉，真系几可乱真！ 重点系食到捧住个肚，埋单两个人平均都系$100左右，超抵食！
张贴
