I Café

营业中

休息中

星期六下午落雨丝湿最好揾间小店坐坐等雨细D再走走, 今日入到半岛中心见到呢间Café被门口的公仔吸引咗, 然后看见餐牌相当抵食, 于是ORDER咗All Day Breakfast仲包埋餐汤和一杯Cappuccino都系$63。 先来是个蕃茄什菜餐汤开开胃口, 味道都OK带小小甜唔太酸啱我; 之后主菜上场, 真是一点都不懒份量十足, 单是个黑松露炒蛋, 超多黑松露超正; 另外最喜欢系佢架牛角包外边有小小面包糠增强口感入口松化还带牛油香味, 真系唔错; 而超大条猪仔肠单是卖相已相当吸引, 有一半表皮界咗十字花, 虽然外皮没有烧焦, 但仍然皮脆内嫩, 味道都唔错; 而沙律菜亦相当新鲜, 真材实料一点都不马虎。最后来个Cappuccino外表唔系咁吸引无拉花, 泡又多咗D, 但入口的咖啡味都好好, 证明佢用豆都太差而且跟单都是加8蚊, 外边真系揾唔到; 走的时候见到佢个下午茶餐牌,又系另一个惊喜茶餐厅价钱, 而菜式有几十个组合, 实有一款啱食, 唔怪得越坐越多人啦, 下次行过都可以再试试。