杏甜品 (豉油街) (已結業)

旺角食肆林立，但好食嘅糖水舖竟然真系少之又少，要行到广华医院附近先见到有几间🥹大部分都好单一食刨冰、芋圆等等。当晚同朋友一行5人系附近女人街大排档食完晚餐，想近近地食中式糖水，就十分推介呢间👍🏻呢间糖水舖顾名思义主打怀旧系列，有芝麻糊、杏仁茶炖双皮奶、汤圆等等；夏天就啱囇果肉爽冰系列，例如吕宋芒果、龙眼冰同椰汁木莲冻（质感似仙草冻）。杏仁茶炖双皮奶 （热）($49)我自己就嗌咗招牌 杏仁茶炖双皮奶，有点点杏仁香味，食落香滑唔太甜，美中不足嘅系做唔到双皮奶应有质地，比较似普通蛋白杏仁茶。如果食完晚饭正餐想同朋友聚多阵，食少少野就啱囇😋相比其他糖水唔会太滞，系健康之选。椰皇桃胶炖双皮奶（冻） （$67）市面上有关椰皇嘅甜品都唔平，系旺角食到呢个价钱不过不失，味道方面因为嗌咗冻食，本身唔期待有椰皇香味，好彩双皮奶有质感、有弹性，桃胶令双皮奶更有口感，值得一提，铺头用料新鲜，令椰皇果肉都可以掘出嚟食🤩