宏發燒臘飯店 (已結業)

今日接个好朋友收工，跟住行街食饭直落。朋友系sogo返工，我早左少少到，所以求其揾间野食住等佢！比我见到呢间烧腊店好多人排队买外卖，而店内又有位，我就入左去试试。店内环境唔大，不过座位唔逼，都坐得几舒服。我发现店内9成都系游客，有外国人，亦有内地人等。当时全店好似得我一个本地人 哈哈。我点左个好耐无食既熏蹄切鸡饭。因为唔系度度都有得食熏蹄，所以见到即刻心心眼，一定要叫！！正！有例汤送~~花生眉豆煲鸡脚。无味精老火汤，好香花生味，鸡脚又煲到稔哂，好好味呀~~~呢度既熏蹄皮肉均匀，好爽口，配埋白醋真系超级好味！仲要好耐无食，更觉欣赏。切鸡肥美嫩滑，赞！仲要一提既系佢既姜蓉，调得好好味，唔会太油太咸，好味~唔怪得之咁多人排队买外卖，唔怪得之咁多游客冒名而来，系有水准之作！绝对唔失礼呀。估唔到今日意外地揾到正野食☺开心 满足。