極上帝王水產

营业中

休息中

平时食放题/buffet都中意拣有主题嘅，呢间主打多款刺身+寿喜烧。一坐低店员话会帮我哋落一份刺身同寿喜烧食材，转头上左一大盆刺身😱有三文鱼腩、带子、有头虾、泰式生虾、螺肉、鱿鱼、长脚蟹等等，份量十足。食完刺身就开始整寿喜烧。首先用牛油揸匀个锅，跟住就可以「煎」下牛肉，落少少寿喜烧汁，食落真系好香牛味。之后可以系个App叫火锅配料，娃娃菜、金菇同冬菇吸左汤好好食。食完刺身同寿喜烧都好饱了，但都试左少少寿司同小食。火炙寿司质素唔错，三文鱼油好香；其他烧牛舌、烧日本蕃薯仔、芝士年糕、炸虾都食匀晒，过足口瘾🐷全场店员都系后生仔，个个都好爽手，服务好食都食得开心啲🥳