部屋咖啡室

营业中

休息中

星期六晏昼一两点钟嚟到部屋咖啡室, 惊见全场爆满, 好彩职员帮我地喺另一边房留左位, 呢边环境无主场咁开扬, 但座位尚算宽阔舒适。打开meun, 一律西餐 , 大众化嘅pasta, risotto, pizza, burger, all day breakfast 都齐全, 甜品选择就唔系太多。前菜拣咗凯撒沙律, 蔬菜新鲜, 洒上烟肉碎同多士脆粒, 唔会单调。千岛夏威夷Pizza, 可以拣10吋或14吋, 呢个14吋嘅一送到就占据咗半张台, 虽然配料简单, 只有火腿菠萝, 但芝士层都几厚, 每人食两三块已经撑不下。辣虎虾意粉, 原只虎虾配香草茄汁意粉, 酱汁唔会太浓, 辣度很微, 怕辣嘅朋友都啱食。饮唔选择多, 呢杯Mocha, 加一层厚滑忌廉同朱古力雪糕球,又系饮品, 又系甜品。 饮饮食食, 同好友倾下计, 唔觉唔觉就喺度消磨咗几个钟。