意粉狂熱 (雅蘭中心)

营业中

休息中

世界杯前夕，约埋朋友黎番场意粉狂热。呢间主打意粉的餐厅，卖点并非正宗意粉，而系意日fusion菜式，门口布置得时尚型格。今日我哋一行2人，点咗两个意粉，加个小食拼盘。经典3式拼盘意式薄切三文鱼忌廉芝士卷，卖相精致，其柔软口感同热辣辣嘅香脆炸鸡形成强烈对比。炸鸡都几脆身，炸浆不会过多，如加少少柠檬汁就更好, 可以大大减去油腻感。粗条连皮嘅薯角口感唔错，外脆内软。呢款期间限定嘅帕尔马火腿片配牛油果冷制意粉🥑, 一啖入口带浓浓香草味，冻意粉嘅质感弹牙，而帕尔马火腿亦咸香十足，同水牛芝士 & 牛油果粒一齐食，又几夹㖞。寿喜烧风!牛肉杂菌鲜制意粉鲜制意粉比较粗身，口感烟韧，细嚼能吃出小麦味道，配合杂菌、牛肉，再加上少许葱丝同紫菜丝调味，好fusion！布甸香滑，奶味浓郁，不会太甜。冰冻果茶入面有士多啤梨、苹果、橙、奇异果等鲜果，认真够fresh！咖啡很香浓，加入UCC专用咖啡奶，更能提升香滑感。