馬祖無限時台灣養生涮涮鍋

营业中

休息中

第一次食呢间台式涮涮锅，无限时可以慢慢食唔使赶时间。呢到嘅汤底真系多到不得了，有辣有唔辣任君选择。最后拣左药膳椰子鸡涮涮锅，香喷喷椰子味，锅底有好多件滑溜鸡髀肉。饮品酱料系自取，拣左两款自家制樽装饮品，清甜解渴。一坐低职员送左碟即炸番薯条，点话梅粉食超正又香又甜。火锅料质素好好，我哋食最经济嘅Prime Grade美国安格斯牛肉 + 西班牙无激素猪肉片，7:30前埋单只系$247。落单后好快上枱，牛肉望到都觉得好靓，食落都好软滑有牛味，有惊喜。花胶大大片任食超满足。