炸理滷味 (已結業)

约咗朋友又未够钟见面，唯有系旺角周围行下，无意中就发现呢间新铺头。之前都听闻过呢间炸物小店嘅消息，个店名都几爆：炸理卤味。咁鬼马，真系要入去八卦下佢搅边科先。店铺以怀旧作为主题，又唱机碟又唱片套，可以睇得出佢地系装修上都花咗唔少心思！整体环境几舒服！唔钟意企系街到食野，呢到都系一个唔错既聚脚地！小试牛刀，今次包括叫左香菇、粟米仔、三角芝士同多春鱼。由于即叫即整，所以需要稍等片刻，大概十分钟左右，新鲜热辣炸物送到！讲下个三角芝士，好浓嘅芝士味道，非常烫口，可见相当新鲜，记住轻轻吹下再食啊！其他炸物相对上比较淡味，所以可以在旁边拎调味料加加味！总结一下：价钱合理，即叫即炸；够热够新鲜！唔钟意系街边乱行扫嘢食，呢到真系可以小歇片刻。呢到除左炸物之外，仲有各种卤味任你拣！口渴仲可以拣特饮或特色啤酒、包罗万有。下次好想试嘅炸物有「芝士海龙波波」海龙究竟系乜野味呢；话哂个铺名有一半系炸物、一半系卤味。点都要试下佢嘅其他作品「卤味鸡脾」，相就影得好吸引，唔知食落又点呢？即管期待下先，下次见。