金寶蟲草皇湯之日常 (已結業)

作为香港上班族，放工返屋企时间已经夜一夜，想煲啖汤饮真系无咩时间。难得出去做嘢可以早啲返屋企，临搭车前见到有炖汤卖，一于买返去同屋企人齐齐饮啖靓汤。本身 #金宝虫草皇 系卖参茸海味，相信炖汤会好足料，果然一饮就有住家感觉，即系好似啲阿妈唔怕落足料，只怕你唔饮咁煲一碗汤，推介各位无饭家庭呀！◽️ 美国花𣄃参石斛花胶汤一盅汤料、一盅汤，望住盅汤料已经好足料，慢慢拎出嚟发现好多汤料，有花旗参、石斛、筒胶、瘦肉、准山，集滋润、降火、解虚热烦倦、益胃集于一汤，入口鲜甜似足住家汤，最啱我呢啲又忙又成日挨夜人士！◽️ 冬日暖身鲍鱼乌鸡汤一碗就有一只鲍鱼同一大件乌鸡，汤头清澈鲜甜，原来仲有太子参、东阳枣、龙眼、25年陈皮齐齐炖制。乌鸡补虚劳、健脾胃；鲍鱼养血滋阴，无论皮肤同内脏都可以调理一下。🔸 养颜润肺杏仁霜食甜品都可以养颜？无错！用上即磨的南杏、北杏制成，加上蛋白和松子，食落已经有浓郁杏仁味，少许松子增加口感，女生们一定喜欢。🔸 护肝排毒龟灵膏龟灵膏可以清热解毒，消除暗疮、调理脏腑，都是人记得入手啦！▪️ 手工参蜜、清热润肺茶除咗炖汤同甜品外，仲有饮品可以即时饮，而家咁热嘅天气就啱晒啦！