Oasis Cafe & Party House (已易手) 新餐厅

早几日约左一个好耐冇见既朋友食晚饭，所以想揾一个可以坐得耐啲静既地方倾下计，于是就揾楼上cafe。先施大厦，我都系第一次去，好多宾馆。其实有少少惊既！一入到去冇咩人，都担心架。好彩点完野食就陆陆续续多好多人入座。 我点左一个龙虾汁海鲜意大利饭。一杯芒果乳酪。意大利饭等既时间比较耐，大约20分钟左右，不过cafe有好多card games玩，好易消磨时间。而家同朋友挂住倾计，啲时间都过得好快！个饭一黎到，已经闻到好香好creamy的味道！口水都流😆 意大利饭食落口感偏硬，米既心好似比较硬身！同左老板娘讲（煮既系就是她），佢话有人钟意硬啲又有人钟意稔啲，下次可以落单时同佢讲讲要求。就系咁，本来少少扣分，但都变成加分！个饭既海鲜有青口、虾同小带子，都几开心，每样海鲜都有调过味，而且味道唔错！青口食落爽口配埋龙虾汁味道有海水味亦带甜甜既creamy味道，虾就弹牙鲜甜，小带子就冇咩特别好坏啦～而芒果乳酪，就有乳酪既酸味，而芒果味就淡淡香香的，成杯野好易入口！唔会话个芒果味好假～ 总括黎讲，呢餐系满意既！亦都系旺角中宁静舒适既一间cafe。