泰源獅城風味

营业中

休息中

今日同朋友放工约左响太子嘅去泰源狮城风味食晚餐 ，入到去员工态度好亲切同体谅，依家难得见到笑面迎人的waitress ，环境都几舒服。我地揭开餐牌都几多强择！look 一 look ，叫左泰源麻辣香锅 不过我地选择左叻沙汤底 ，配料有牛肉片，墨鱼丸，金钱肚，豆卜，芽菜，炸腐竹 ，食材好有鲜味，金钱肚烟靱，墨鱼丸爽口弹牙，豆卜同炸腐竹好入味 叻沙汤底煮得好适中，吾会太咸，带有新加坡的感觉 ，清新的椰香味 ，配入食材上真系赞不绝口 ！仲有我地叫左海南鸡饭 因为，鸡肉嫩滑，沾上泰式辣酱更加带出鸡既鲜味！最后叫左卤水牛肚，牛肚一食落口就知吾系雪藏牛肚 ，系新鲜金钱肚，都几入味！食饱饱就叫野饮，点左冻美绿同红豆冰，美绿浓味可口，冲得好适中，吾会太甜！而红豆冰好有椰香味，配入煮到起左沙嘅红豆，几好饮。呢度除咗传统新加坡美食之外，仲有卤水及川菜俾客人选择，适合喜欢一次过食到唔同菜式嘅客人！