爆汗串串 (已結業)

有一排无去旺角食野，原来又已经开咗好多新野食，今日朋友带咗我去食一间「串串」！个名好搞笑，叫爆汗串串，好似会好辣咁😜我地一人叫咗一个饭，然后share咗15串成都串串香！口水鸡饭 ($48)系旺角嚟讲，晚市呢个价钱都可以接受，而且份量都几多。啲鸡嘅卖相几靓，而且都几嫩，个酱好香好入味！越食越想食，用嚟送饭一流👍🏻宜宾咸烧白饭 ($48)一开始唔知呢个系咩嚟，原来系薄切嘅东坡肉 (五花肉)，肉质少少肥而不腻～下面有好多梅菜，好入味，而且夹埋一齐食好开胃。成都串串香 ($78 @ 15串)都有几多选择，有17款蔬菜同埋18款肉类，$78@15串 (自选五款，每款三串)，$128@30串（自款十款，每款三串）。我地叫咗鸡软骨、黄喉、豆腐干、鱿鱼、成都小香肠，两个人share其实唔觉得好多，因为系细细串～最好食系鸡软骨>鱿鱼>豆腐干>黄喉>成都小香肠（味道有啲似腊肠..）。一开始食唔会觉得辣，反而系好香，但食耐咗头皮就开始发麻啦哈哈！😂另外我地叫咗乌梅汁解下辣！如果两个女仔嚟嘅话，可以叫15串再加个饭/面share，另外小食都几吸引，不过已经好饱～