旺記冰室 (鴻輝大廈B座)

营业中

休息中

今日同朋友去咗旺記冰室食lunch，簡直覺得係高質茶餐廳之選。大愛佢個豬潤薑絲通粉。薑味超濃郁，將豬潤嘅腥味完全覆蓋。豬膶非常之鮮甜，爽口彈牙，特級厚身。食落我唔覺佢有用味精，湯底好鮮甜。食豬潤嘅朋友必定要點。滑蛋多士嘅滑蛋都係出色嘅。聽聞呢度都比較出名食炒蛋。另外佢杯奶茶都係推介嘅，非常之絲滑。朋友嗌嘅濃湯番茄餐肉通粉都讚好，餐肉粒應該係炸過嘅，大大粒而且非常之趣口。濃郁嘅蕃茄湯底真係濃到有厚度嘅！