影片
更多
2022-02-08
75 浏览
💎总评分：9.0/10-嗜辣嘅小编钟意食酸菜鱼多过水煮🌶️，因为感觉上无咁多油，呢日突登嚟试下呢间主打冷锅酸菜鱼嘅餐厅。除左鱼，仲有正宗重庆麻辣鸡煲、泡椒鸡煲🐓、多款川菜主食。中午嚟lunch set都只$65-$75，2点后下午茶仲有85折优惠，实行中等价位食高质川菜💰。🚗 餐厅系地舖，今次小编好彩地泊正喺门口，条街都多位可以泊，但系危唔危险就唔知啦。 1️⃣ 必食冷锅酸菜鱼 $208Menu入面锅类section仲有鸡煲同干锅🐔，不过一心想食酸菜鱼嘅小编当然系叫鱼啦🐟。冷锅嘅意思系嚟到时入面嘅食材己经熟左，无需再加热可以直接食，但系好似鸡煲咁，食完后可以加汤变打边炉🍲。火锅配料都好多，不过小编今次就无打边炉，净系食佢个酸菜鱼。一嚟到个锅真系好大，入面嘅材料相当丰富，莴苣、芽菜、辣椒一定唔少得🌶️，仲有金菇同宽粉，唔洗另外加钱都有😚，酸菜份量好多，无骨鱼块新鲜嫩滑，足足有成18片🤩。一共5个辣度，唔食得辣嘅人士仲可以㨂走辣添！今次小编㨂左小辣，汤底味道调得刚好，酸辣得嚟清甜👍🏻，最欣赏佢唔会成层油喺面，唔会有油淋淋嘅感觉。2️⃣ 夫妻肺片 $65；凉拌藕片 $38好多小食凉菜选择，呢度嘅夫妻肺片
-
嗜辣嘅小编钟意食酸菜鱼多过水煮🌶️，因为感觉上无咁多油，呢日突登嚟试下呢间主打冷锅酸菜鱼嘅餐厅。除左鱼，仲有正宗重庆麻辣鸡煲、泡椒鸡煲🐓、多款川菜主食。中午嚟lunch set都只$65-$75，2点后下午茶仲有85折优惠，实行中等价位食高质川菜💰。
🚗 餐厅系地舖，今次小编好彩地泊正喺门口，条街都多位可以泊，但系危唔危险就唔知啦。
1️⃣ 必食冷锅酸菜鱼 $208
Menu入面锅类section仲有鸡煲同干锅🐔，不过一心想食酸菜鱼嘅小编当然系叫鱼啦🐟。冷锅嘅意思系嚟到时入面嘅食材己经熟左，无需再加热可以直接食，但系好似鸡煲咁，食完后可以加汤变打边炉🍲。火锅配料都好多，不过小编今次就无打边炉，净系食佢个酸菜鱼。
一嚟到个锅真系好大，入面嘅材料相当丰富，莴苣、芽菜、辣椒一定唔少得🌶️，仲有金菇同宽粉，唔洗另外加钱都有😚，酸菜份量好多，无骨鱼块新鲜嫩滑，足足有成18片🤩。一共5个辣度，唔食得辣嘅人士仲可以㨂走辣添！今次小编㨂左小辣，汤底味道调得刚好，酸辣得嚟清甜👍🏻，最欣赏佢唔会成层油喺面，唔会有油淋淋嘅感觉。
必食冷锅酸菜鱼
$208
10 浏览
0 赞好
0 留言
2️⃣ 夫妻肺片 $65；凉拌藕片 $38
好多小食凉菜选择，呢度嘅夫妻肺片有牛𦟌、牛脷、金钱肚🐮，正常都要落辣油都以避不了油腻，但系味道确系好食😋。藕片切得好薄所以比一般爽脆入味，两个凉菜都系拣左小辣，已经够晒麻辣香口👏🏻～
夫妻肺片
$65
6 浏览
0 赞好
0 留言
3️⃣ 炸小馒头 $38
简简单单嘅一道菜，但系小编每次都会叫✨。其实馒头并不小，系正常size😅，金黄色外脆内软，热辣辣嘅时候再点埋炼奶，无可挑剔💯。
4️⃣ 蜜桃沙冰 $42；柑桔青柠梳打 $35
食辣野点可以唔叫野饮？蜜桃沙冰甜度适中🍹，无好假嘅糖浆味，解渴一流。另外小编叫梳打系因为soda water零卡路里💃🏻，柑桔𠮶少少甜应该都唔会好肥，适合减肥人士💪🏻。
餐厅嘅酸菜鱼质素比想像中好❤️，多人D嘅话做埋打边炉应该好正，其他主食望落都吸引，有机会都会二访🥰。
-
环境服务：⭐⭐⭐⭐
食物质数：⭐⭐⭐⭐⭐
打卡指数：⭐⭐⭐
张贴
