漁場台風

营业中

休息中

旺角揾食真系太多选择，朋友介绍食沾面要去呢度「渔场台风」，原来位置非常近我公司，朋友话呢度成日都排长龙，于是我12点就到达，好幸运我唔需要排队😁但我食完后出边已经大排长龙。坐低店员非常有礼貌地给我一张点餐只及介绍沾面的选择，佢话如果你第一次嚟就试吓第一个鱼介豚骨沾面，听从他的选择我决定拣呢一个, 另外再挑选我的喜好就落单。等待的时候，我发现场上好多标语，全部都系客人写的心意卡，而且周围都摆放一啲卡通绘画，如果逐个睇都有排睇。睇咗一阵我的沾面送上，浓浓的汤底好香鱼汤味，夹杂着小小鱼肉，葱同笋丝，拉面烟靭，有半只柠檬，半只蛋及一片紫菜。沾上汤，真系好好味。后来知道佢哋嘅叉烧都好出名，我下次一定要试。提返呢个面嘅份量系细份，因为我怕自己食唔晒😅千祈唔好浪费师傅的心血。未去到日本，就满足下先。