爆丼屋 (山東街)

营业中

休息中

突然好想食鱼生饭，谂起好耐之前帮衬过旺角豉油街嘅爆丼屋，上网search原来搬咗去山东街，新店大好多，位置宽敞，楼底又高，空间感十足，而且天花挂满云朵，好靓靓。 打开个餐牌，真系款款都咁吸引，又想食三文鱼，又想食吞拿鱼。最后我拣咗制霸！鹅肝海鲜盛丼，有齐我至爱嘅材料，包括帆立贝、鹅肝、海胆。帆立贝有好多粒呀，唔使就住就住，每粒都好新鲜鲜甜， 口质感扎实。仲有鹅肝香味浓郁，食落去有入口即化幼滑嘅质感。碗合埋黑鱼籽、蟹籽，真系好丰富🤤🤤！蟹籽咬落爽脆，加埋个蛋黄同鲜甜黑鱼籽，捞落啲饭度食「鲜」味十足！ 因为老公唔食得生嘢，就点咗个重量级烧牛扒盛丼，啲烧牛肉堆到满泻咁滞，牛肉烧得好香，生熟适中，牛肉肉质嫩滑，带有脂肪香，配合埋蛋黄酱一齐食非常美味。 叫多咗个芝麻鸡翼做小食，超颜呀！个外皮香脆又干身，咬落去依然好多肉汁。 食日本嘢当然要饮番个面豉汤先圆满啦。