兄弟幫冰室。大排檔 (已搬遷) 新店位置

呢间野想试好耐…不过兄弟就收得比较早…一系经过时就好多人…咁啱今日afternoon tea时间经过有位就铲入去试下…大大个餐牌系墙度…俾个“神级”葱油系列深深吸引住…就点左个葱油鸡扒捞面…加杯冻柠茶走甜。碟野黎度个样唔错㖞…试下个葱油先…味道其实ok的…不过要去到神级就夸张左既😅😅…(成日俾d keywords迷惑左) 我觉得葱油个个整都差唔多😏😏。 不过鸡扒唔点葱油情况下都觉得几好味…另一样要赞下就系个面黎到时都系好热辣辣…好多地方捞面…个面黐埋一堆。如果无记错…下午茶餐好似30几蚊有交易…呢个价钱真系交足货…有机会试下其他野。