獅叔 (已結業)

新加坡辣椒炒蟹肉配炸馒头 $168铺满蟹肉嘅辣咖喱，算系中辣嘅程度，非常惹味👍🏼 除咗青椒同洋葱之外，都有好重嘅蕃茄味。呢个辣咖喱根本点咩食都好食🤣 份量都唔少，四个炸曼头系唔够候，可以嗌多碗白饭。马来汤肉骨茶 $118有淡香嘅茶味同埋好浓嘅猪骨味，猪肉容易离骨，唔洗食到面容扭曲。入面重会有豆腐卜，金菇，炸罗勒叶同杞子，入哂味，唔错唔错。槟城大虾粿炒$118面头三只开边大虾好大只，口感鲜甜爽口。粿条炒得入味又干身，再加埋蛋，豆芽同豆干一齐食，好食👍🏼咖央苹果脆金宝配雪糕$78好大份😨，成件事系又咸又甜又冻又热，好食得嚟又有啲刺激。特别欣赏佢面头嘅炸椰丝，令到口感更加丰富。⼀球雪糕真系唔够送，起码要加多两球。