麻辣妹 (已結業)

天气虽然好热,但令我更加想食辣,同埋唔想整野食,想尽快返屋企叹冷气,旺角区想食辣米线除了谭仔,之前试过哩度d麻辣米线都可以,今次叫麻辣肥牛米线。麻辣肥牛米线,好大碗,肥牛都几大件,酸菜连肉碎满满的,米线淋左少少,但味道出色! 佢地麻辣先系精华 ，可以饮哂佢既汤底。真系麻而不辣 ! 食完感觉好似个咀有好多爆炸糖系度爆咁! 重要系花椒(正呀 !!)而且辣又唔会令你劲出汗, 又唔会令你食唔出D米线嘅味道。另外，口水鸡，麻辣嫩滑，配上青瓜丝，非常嫩爽！