Bove (已結業)

之前系淘大试过呢间bove，鸡蛋仔口味够哂多元化，所以之后经过旺角分店都有再试。第一次试左香浓罗宋汤鸡蛋仔，原本都担心紧将罗宋汤沟入鸡蛋仔会唔会好怪，但结果出乎意料地好味，真系几有罗宋汤味，而且咸咸地，比平时既鸡蛋仔会无咁甜。之后第二次就试左斑兰鸡蛋仔，不过今次就跌哂watt，首先质地唔够脆，好快就淋哂，唔知系咪人多赶住比我，吹风未够耐，其次系斑兰原来只有颜色，食落似原味，完全唔觉有斑兰味，旺角分店水准都几飘忽。