近又吉列黑豚專賣店 (已結業)

这天男友想食吉列猪排，但成个旺角都无咩几间好食~(家乐坊o个间都系麻麻~~)上openrice睇，见到有间系朗豪坊叫近又，评语又唔错，就上左去试下。我地真系成日眼阔肚窄，又叫到成台野，我地两个各自叫了个set再加多$48要左个吉列野菜。男友点的是普通的吉列豚，因为黑豚卖晒。个吉列猪排都炸得好脆好松化，而且猪排仲保留到肉汁。份量都算大份，差d食唔晒。我就点左吉列豚肉芦荀卷，豚肉质感无吉列猪排咁好，但有包芦荀，整体都算juicy~而且唔会整系食猪肉咁dry，加埋不停refill的椰菜丝，真系正!另外加点的吉列野菜，我地剩系食个set都饱到顶，但点都食埋佢。吉列野菜数量都唔少，而且炸得都好香口，个吉列南瓜好正!白饭都粒粒分明，饱满圆润，唔会煮到好烂，因为食吉列，如果d饭唔好食真系太打折扣。仲有店员会不停主动refill椰菜丝，真系抵赞!服务同食物我都好满意，食得开心又好饱的一餐。