影片
更多
2018-06-14
41 浏览
今日同男朋友嚟亿饍dinner，7点几嚟到未算系好多人，我哋坐咗系角落，个个位系好难叫到职员嚟嘅，所以都要行出去叫人嚟。睇餐牌觉得呢度有啲似fushion 菜，又有越南嘢，又有炒小菜食，不过嚟得呢度当然要试下佢嘅越南菜睇下正唔正宗啦！睇完餐牌决定叫生牛肉河、软壳蟹米纸卷、越式春卷、串烧同炒粉丝。生牛肉河嚟先，牛肉浸一阵先食，够晒嫩滑，加上生洋葱，汤底够浓味，河粉唔错！几大碗。软壳蟹米纸卷系最好食，热辣辣，软壳蟹够哂脆，而且软壳蟹几大只，加埋菜一齐食，口感好丰富。米纸亦唔会话好硬好干，所有嘢都啱啱好，好夹！越式春卷，一客有6件，几抵食！连埋生菜上，同样地春卷够香口，同埋好够热，即叫即炸，唔好咁贪心一啖食晒呀，一定会辣亲架！串烧就一般，肉质腍咗啲，同埋整体都偏甜，加上用铁签代替竹签，食嘅时候要好小心，因为条铁签会好热。最后系炒粉丝，粉丝炒得干身，不过粉丝太幼身影响咗个口感，不过整体都唔错嘅，味道亦啱啱好，都几香！仲叫咗个椰青，椰青要成$50/个，唔系平，胜在够甜够冻，下次都系睇下餐牌先叫饮品。整体黎讲，旺角区嘅越南菜唔系话好多，呢间新开嘅餐厅都值得一嚟，地点方便，同埋店员服务态度都好好，值
睇餐牌觉得呢度有啲似fushion 菜，又有越南嘢，又有炒小菜食，不过嚟得呢度当然要试下佢嘅越南菜睇下正唔正宗啦！睇完餐牌决定叫生牛肉河、软壳蟹米纸卷、越式春卷、串烧同炒粉丝。
生牛肉河嚟先，牛肉浸一阵先食，够晒嫩滑，加上生洋葱，汤底够浓味，河粉唔错！几大碗。
软壳蟹米纸卷系最好食，热辣辣，软壳蟹够哂脆，而且软壳蟹几大只，加埋菜一齐食，口感好丰富。米纸亦唔会话好硬好干，所有嘢都啱啱好，好夹！
越式春卷，一客有6件，几抵食！连埋生菜上，同样地春卷够香口，同埋好够热，即叫即炸，唔好咁贪心一啖食晒呀，一定会辣亲架！
串烧就一般，肉质腍咗啲，同埋整体都偏甜，加上用铁签代替竹签，食嘅时候要好小心，因为条铁签会好热。
最后系炒粉丝，粉丝炒得干身，不过粉丝太幼身影响咗个口感，不过整体都唔错嘅，味道亦啱啱好，都几香！
仲叫咗个椰青，椰青要成$50/个，唔系平，胜在够甜够冻，下次都系睇下餐牌先叫饮品。
整体黎讲，旺角区嘅越南菜唔系话好多，呢间新开嘅餐厅都值得一嚟，地点方便，同埋店员服务态度都好好，值得再加分！价钱方面偏贵，但仍然可以接受。临走前都见到餐牌坐满人啦！
张贴
