粗店燒烤 (已結業)

今日同朋友去左呢間串燒店，環境坐得都好舒適。自己直接用QR Code落單，款式有好多選擇。枱上會有一個小小火爐🔥保持串燒溫度，尤其我食得比較慢，咁就唔怕串燒好快會凍晒～我同朋友點左好多不同款色嘅🍢串燒，上菜速度夠快。雞皮香口好脆；烤生蠔🦪同大扇貝好厚肉好新鮮；烤原隻魷魚🦑彈牙完全唔靭；雞軟骨酥脆有咬口；烤菠蘿🍍大大份超級鮮甜多汁；鮮冬菇🍄勁多蒜蓉，好香口鮮甜；錫紙娃娃菜🥬好清甜；炸饅頭炸得好脆，點埋煉奶超正。另外，我哋仲點左牛肉串、五花肉、雞中翼、珍寶蟹柳同海中蝦，～整體味道香濃惹味😋