Doux (已結業)

之前有朋友讲过呢度甜品几好食，今晚心血来潮食完晚饭就走过黎。八点半入到去好多人，简约装修，环境较暗，望向落地玻璃会见到高楼下的大厦灯光。餐牌设计好靓，见到牛扒就流哂口水，但今次主攻甜品，下次先食正餐啦。🍰Stick $108上枱时候店员会淋酒、点火，蛋糕外脆内软带焦香，十分好食，想再食多件。因刚才淋上酒的关系，好似食紧冧酒味既雪糕甘。🍋Lemon $98柠檬造型卖相吸睛，切开入面系质感绵滑既慕丝，外脆内软层次分明，配埋旁边香脆既杏仁金宝就更加好食。🍹薰衣草椰青柠檬冰 $56薰衣草味道强劲，配合椰青水都几特别，加上柠檬带点酸甜感觉。🍹芒果香橙冰茶 $56果香味十足，饮落似水果茶，加上甜度适中，清新好饮。