Hot.com (已結業)

年三十晚，打算食完个晚饭去行花墟，点知个晚餐食得太少，顶唔顺要食个宵夜医医肚。行去登打士街睇下有咩舖头未收，见到有薯条食，唔理佢热唔热气肥唔肥，立即狗冲！嗌咗个炸薯条拼炸烧卖，可以拣两款酱，我拣咗蜜糖芥末同韩式蛋黄酱。等咗唔洗5分钟就有得食啦，薯条热辣辣，外层脆卜卜入面嘅薯蓉软绵绵，唔油腻。蜜糖芥末酱偏甜，芥末味较少，唔会攻鼻，对我依个芥末控嚟讲系唔够浓，而且甜咗少少。而蛋黄酱系沟咗啲韩式辣酱系入面，系好轻微嘅辣度，我觉得同薯条几夹。炸烧卖正正常常，外脆内软，单食较好我觉得同酱汁一齐食唔太夹。好钟意食依到嘅薯条，唔单止好味，仲可以配搭好多唔同小食，有芝士条、花枝丸、薯角等等，款式好多。行过旺角口痕可以买嚟食下。