URBAN Cafe (彌敦道)

营业中

休息中

呢度系旺角好有名嘅猫猫cafe，佢哋啲猫猫好多种类，好多都好乖，会喺人面前行嚟行去，可以好易就摸到佢哋。而且呢度无入场费。只要你去食嘢就可以同猫猫玩。佢哋嘅2人餐最超值，有齐餐汤、沙律、主菜、意粉同埋两杯饮品。唔够仲可以加钱有多个小食拼盘。是日餐汤：今次系南瓜忌廉汤，有丝丝南瓜蓉，用料十足。是日沙律：清新清爽嘅沙律菜，仲有清甜嘅生果。滋味2人小食拼盘拼盘入面有鸡软骨饺子，唐扬鸡块，薯角，香脆可口，食唔停口。即磨芝士黑松露野菌忌廉意大利饭：意大利饭嘅火候控制得宜，饭嘅软硬度适中，仲好Creamy，饭入面仲有野菌增加口感，而黑松露嘅味道较想像中突出。最后仲有即磨嘅芝士，捞匀佢令意大利饭多添一份奶香味。意式辣肉肠拉丝水牛芝士手工薄饼：饼皮香脆，上面搽满罗勒薪茄酱，再铺上水牛芝士，辣肉肠，粟米，车厘茄等配料，用料十足，味道丰富。