Yadllie Plate 야들리애플래이트 (兆萬中心)

约朋友食饭好多时都会约一齐食韩式炸鸡，炸鸡要同其他人一齐吹著水咁食先开心！最近就同朋友黎左旺角兆万入面嘅Yadllie Plate。餐厅环境好宽敞舒适，食物选择都好多，除左主打嘅炸鸡之外，仲有好多韩式地道菜色同甜品添！点左一份半半炸鸡。可以喺所有口味只能自选两款，咁就可以试到多啲口味啦。拣左蜜味乳酪粉同埋黄金蒜香。蜜味乳酪咸甜咸甜咁个调味唔错。黄金蒜香真系好重蒜味，而且呢款个炸鸡炸得特别香脆脆口。两只味都各有特色，不过共同点系炸鸡都好嫩滑同juicy。仲有炸到金黄嘅蕃薯条，好甜好好味！卡邦尼年糕。变奏版嘅韩式料理，将年糕配比较西式嘅卡邦尼酱汁，比起一般香辣嘅韩式炒年糕，呢个口味又唔错，唔食辣嘅人士点呢个就啱晒。卡邦尼酱汁好creamy有奶香。年糕份量多，口感烟韧，入面仲有其他配料，例如鱼糕、鸡蛋、竹轮等等，几丰富！解腻一流嘅烤牛肉水冷面。冰凉嘅水冷面口感酸爽清新，面条口感有韧劲，完全可以解到炸鸡嘅油腻同饱腻感。不过烤牛肉就麻麻，肉质比较鞋口，就咁水冷面已经好味。最后甜品点左雪冰。有多款口味选择，拣左蜜瓜。用左新鲜密瓜果肉再配蜜瓜嘅雪冰。蜜瓜始终唔系当造所以唔系好甜，不过雪冰嘅蜜瓜就好突