麵屋神匠

营业中

休息中

好几次经过旺角都见到呢间餐厅 — 面屋神匠，装修好日本风，系落地大玻璃前挂左好多红白蓝灯笼，好似置身日本屋酒屋，超啱打卡！今日终于食到啦！浓厚虾汤拉面（$98）用浓厚虾汤汤底煮出既拉面，配料有日式叉烧、溏心蛋、樱花虾、紫菜、大葱同荀，食落味道同口感煮好丰富，拉面爽口Q弹，汤底偏浓，每啖都可以挂汤甘食！神匠虾汁拌面（$78）用店名命名嘅菜式，用虾汁捞埋幼面，配料有火炙猪腩、溏心蛋、樱花虾、大葱同芫茜。记得趁暖捞匀，烧猪腩肉嘅外皮焦香，瘦肉、肥肉比例好平衡，近乎入口即融！炸日式饺子（加$10）午餐包一款汽水，另外见到隔离枱嘅饺子几正甘，我哋当然都要升级做Premium，饺子外皮虽然比较厚但几香脆，系唔错嘅小食。见到呢度仲有几特别嘅沾面同罗勒酱法包，等我下次再嚟试吓！