Sky726

旺角弥敦道726号成幢大厦都好多好野食，而最高既25楼，间餐厅叫Sky726，就可以系高空俯瞰成个旺角，望住个咁靓既景嚟食西餐都系一种享受。假期个Menu有啲唔同，但其实都几简单易明，今次就拣咗个慢煮黑毛猪鞍扒，再加$48有埋餐汤、餐包、沙律同埋饮品。先讲沙律，几重柚子味，都几refreshing，餐汤都几creamy，餐包做即叫即焗拎上手仲会热辣辣。饮品叫咗latte卖相几好味道正常。而主角既慢煮黑毛猪鞍扒就好出色，慢煮黎讲就唔会好柴，而且肥瘦适中，几有猪味，系几好食。而佢系会有啲配菜系底，系有啲菇类，食埋落去会减少块猪既油腻感，好match。店内嘅环境好舒服，员工嘅态度好好，而且食物上菜速度都唔会等好耐，望住个view同朋友倾吓计，都几relax。