囍運冰室 (通菜街)

营业中

休息中

之前经过，外卖买过佢的自制包类都OK，所以今朝谂住过嚟食早餐。餐牌同附近所有的茶餐厅都系大致一样的食品。太太叫咗个麦皮加墨西哥忌廉包餐。大致上都可以，佢冇投诉。唯一的是当杯嘢饮来到时只碟都载满鸳鸯。我都明白茶餐厅并唔系大酒店，但我光顾附近第二啲茶餐厅都好少会攞到嚟杯嘢饮倒泻到成碟都系。仲要餐巾都唔俾一张嚟抹吓。我叫咗蕃茄餐肉牛腩粒通粉，通常所有啲蕃茄通都系甜甜地，呢间特别啰佢系咸的（唔好食）。叫咗杯冻鸳鸯，唔知点解个颜色系浅色到奶白色，从图画可见我太太杯热鸳鸯好正常咖啡色。味道怪怪的饮咗两啖唔掂。相信我下次会选择第二啲茶餐厅。