楓 (已結業)

星期五放工去旺角行街，顺便嚟呢间人气小店食晚饭，我哋早去到所以唔使等位，坐低之后陆续有人嚟好彩我哋早到。大阪烧（虾）$98呢个大阪烧卖相劲吸引，好多木鱼丝，仲有紫菜粉。大阪烧粉浆软硬湿度适中，里面配料好多，除咗主角虾仁、仲有大量椰菜丝、粟米粒同埋一啲菇粒。最重要汁酱够多，烧汁加上美奶滋味道冇得输。炙烧慢煮鸡叉烧咖哩汤乌龙面 $78咖喱汤乌冬一上枱香喷喷，鸡叉烧有四大件，炙烧过充满香气，肉质柔软嫩滑，厚切口感好好。乌冬，每条都挂满咖喱汤汁，配上一啲粟米粒同埋京葱，好惹味顺口。焙茶豆乳/芝麻豆乳 +$29餐厅用上日本豆乳，焙茶充满茶香香气，芝麻真材实料真系会饮到好多芝麻颗粒，香气浓郁。我哋跟餐加$29就有一杯。伯爵刨冰杯 $58而家炮兵杯做紧买一送一优惠，卖相都几靓，幼滑嘅cream加上棉花冰充满伯爵茶幽香，唔会太甜，而家天气热食得好舒服。