金翠餐廳 (已搬遷) 新店位置

之前朋友介绍带路，有一间有「前金凤班底」主理既扒房「金翠餐厅」，仲标榜好平好抵食，仲要系免收加一，咁就梗系去试下好唔好食啦。餐厅环境较暗，座位都少许舒适。一坐低，侍应就即刻问我地饮红汤定白汤，而且服务都唔差。咁样都几好，当谂紧食咩嘅时候，已经送上有餐汤饮同餐包食啦。最后我哋叫咗个金翠铁板餐「鸳鸯扒(猪扒及鸡扒)$70」，配：餐汤、牛油餐包、餐饮。送餐嘅时间都好快，而且个模式都好似金凤。铁板餐送上时会问你要黑椒汁定蒜蓉汁。「白汤+餐包」白汤系忌廉汤，饮落去唔会觉得太浠，味道刚刚好不会太咸，餐包亦都经过翻热，食时加入牛油更正。「鸳鸯扒(猪扒及鸡扒)」猪扒同鸡扒都算大块而且有厚度，有惊喜，味道唔错刚刚好。「冻奶茶少甜」茶味浓郁唔错。最后，整个餐食物都不过不失，以呢个价钱黎计，已经系好好啦。