如月居酒屋

营业中

休息中

行行下街突然倾盆大雨，见隔离有间日本嘢啱啱开灯开门做生意，望一望餐牌，价钱都唔贵，即刻入去避下雨，早啲食埋个晚饭先。小店啱啱开门，我哋系第一枱客，哈哈，店员话厨房未ready，叫我哋坐低睇下餐牌先，大概五至十分钟倒先至可以上菜㗎。⭐蒜头渍件餐牌有样餐前小食叫蒜头渍，好奇系咩味就叫一份试下，入口意外地无蒜头𠮶阵独特嘅气味，咬落爽口，酸酸地咁好特别㖞。⭐吉列多春鱼未系好肚饿多叫几样小食过下口引先，先嚟一个吉列多春鱼，多春鱼黏粉炸好脆口，咬到个肚度仲爆春添，正呀。⭐炸鸡皮再来一个炸鸡皮，十分香脆唔油腻，配个啤酒应该会好正。⭐樱花虾豆腐仲有个樱花虾豆腐，豆腐上面黏满樱花虾，炸完之后配上甜酱油，虾味香浓豆腐嫩滑，加上甜甜地嘅酱汁系几好食㖞。⭐面豉汤朋友作为面豉汤爱好者，嚟到就梗系要叫返碗试下啦，个汤有惊喜㖞，入面有唔少杂菌，先用牛油炒香过，所以个面豉汤有著浓浓嘅牛油菌香，好饮👍⭐海胆明太子乌冬叫咗咁多小食都要整返个主食嘅，拣咗海胆明太子乌冬，海胆十分鲜甜，乌冬弹牙，每一条都黏著明太子酱，咸香鲜味，劲好食🤤⭐串烧拼盘最后就系串烧啦，即叫即烧制作需时，有茄子串、牛肉香葱串、五花腩串、日本鸡腿肉串同鸡