影片
更多
2023-02-06
38 浏览
📌 汀汀烤活鱼 - 旺角西洋菜南街1A-1K号百宝利商业中心5楼🗓(6/2) 星期一 ⏰ 晚上7:30左右 💈特式：我一直都好钟意食烤鱼，亦都试过好多间唔同嘅烤鱼，今日去到旺角又突然想食烤鱼，见到呢间汀汀烤活鱼网上评价不俗就同大家去试试。🥩🍔🌭🌮🥗🥯🥘🍲🍝🍣🥟🍤🍱食物：餐厅除左烤鱼仲有多款鸡煲/田鸡煲/小龙虾煲/酸菜鱼/水煮鱼等等，当然仲有好多唔同种类嘅小食/火锅配料可以拣选添，而烤鱼种类亦都可以选择江团鱼/荀壳鱼/ 沙巴龙趸，而家等我同大家讲下🐟味道先。凉拌莴笋 - 锅未滚就叫左个凉拌莴荀做前菜过下口瘾，份量唔算好大，但作为前菜都算足够，口感好爽口，加上大量蒜蓉，好鬼香口。招牌烤江团鱼锅 - 我之前去其他烤鱼店都系食开江团鱼，贪佢唔多鱼骨，肉质淋滑，其实佢3款鱼价钱都系唔差得多，但我想对比下佢同其他烤鱼店嘅分别，所以都系叫返江团鱼。味道就可以选择香辣/麻辣/酸菜/唔辣，咁我都系拣返最普遍嘅香辣小辣，一上枱已闻到好浓郁嘅香辣味，但又未去到攻鼻。条鱼size都好大，两个人食都足够余，除非好大食，如果唔系都未必需要再加配料，因为佢本身个锅都已经有不少配菜，包括猪皮/萝卜/豆卜/芽菜/
🗓(6/2) 星期一 ⏰ 晚上7:30左右
💈特式：我一直都好钟意食烤鱼，亦都试过好多间唔同嘅烤鱼，今日去到旺角又突然想食烤鱼，见到呢间汀汀烤活鱼网上评价不俗就同大家去试试。
🥩🍔🌭🌮🥗🥯🥘🍲🍝🍣🥟🍤🍱
食物：餐厅除左烤鱼仲有多款鸡煲/田鸡煲/小龙虾煲/酸菜鱼/水煮鱼等等，当然仲有好多唔同种类嘅小食/火锅配料可以拣选添，而烤鱼种类亦都可以选择江团鱼/荀壳鱼/ 沙巴龙趸，而家等我同大家讲下🐟味道先。
凉拌莴笋 - 锅未滚就叫左个凉拌莴荀做前菜过下口瘾，份量唔算好大，但作为前菜都算足够，口感好爽口，加上大量蒜蓉，好鬼香口。
招牌烤江团鱼锅 - 我之前去其他烤鱼店都系食开江团鱼，贪佢唔多鱼骨，肉质淋滑，其实佢3款鱼价钱都系唔差得多，但我想对比下佢同其他烤鱼店嘅分别，所以都系叫返江团鱼。
味道就可以选择香辣/麻辣/酸菜/唔辣，咁我都系拣返最普遍嘅香辣小辣，一上枱已闻到好浓郁嘅香辣味，但又未去到攻鼻。
条鱼size都好大，两个人食都足够余，除非好大食，如果唔系都未必需要再加配料，因为佢本身个锅都已经有不少配菜，包括猪皮/萝卜/豆卜/芽菜/莴笋/瓜菇等，鱼皮烤得好香脆，鱼好厚身多肉，肉质好滑．好滑．好滑同够入味。
招牌新鲜鱼卜 - 本身净系条鱼我都已经惊食唔晒，但见到呢度火锅料竟然有新鲜鱼卜，我又钟意食鱼卜，所以都照叫，份量都ok，上枱时店员都有提醒可以早d将鱼卜落锅，因为系新鲜鱼卜，所以会越煮越滑，又唔会靭，果然真系越煮越入味，好好食。
☕️🍵🥤🧋🍺🍷🥃🍹🧉🍾🍶🥛
饮品 : 餐厅有几款啤酒同不同汽水选择，另外仲有特色饮品，我地就叫左特色饮品新鲜百香果水果茶同倒转嘅Somersby。
🍽环境：餐厅环境好靓，用上好多霓虹灯嘅设计，再加上好多Bearbick摆设，环境上我觉得好钟意，坐得好舒服，就算系比较细嘅二人台，餐厅都特登系旁边做个平台位摆野，所以空间都足够。
🤵🏻🤵🏻♀️🤵🏻♂️服务：店员服务态度好好，一坐低就好详细咁介绍佢地餐厅嘅烤鱼，同埋讲解唔同鱼嘅口感/特点之类，店员不时都会帮忙留意个锅底有无需要加汤同调较合适火力。
💰💸价钱：叫左个烤江团鱼，1个前菜1个新鲜鱼卜，再加两杯特饮，埋单都只系$600，佢个烤鱼算做得几出色，份量亦够大条，而且仲要位处旺角中心区域，交通极之方便，价钱都算合理范围。
🐲💬总结：我觉得呢间主打烤鱼嘅餐厅比其他非主打烤鱼嘅餐厅好好多，食物种类亦唔少，交通又方便，环境又理想，价钱又合理，值得一试再试。
推荐指数：❤️❤️❤️❤️❤️
招牌烤江团鱼锅
$328
10 浏览
0 赞好
0 留言
招牌新鲜鱼卜/凉拌莴笋
2 浏览
0 赞好
0 留言
张贴
