成都老碼頭火鍋 (已結業)

秋天不知不觉嚟到喇，天气凉咗，最啱就梗系打边炉啦！大角咀有好多火锅店、鸡煲、放题、港式样样都有，而我同A姐今次就嚟到主打麻辣火锅嘅成都老码头火锅。虽然唔系任食，但价钱唔贵，质素仲要一啲都唔差，加上店内以宫廷为设计，真系好有旅行feel。宫廷药膳汤汤底方面，呢到有唔少选择，不过因为近排转天气，我哋都唔想食麻辣，怕太刺激，所以就叫咗宫廷药膳锅。汤底好足料，药材味超浓，味道甘甜，未开始打边炉前都忍唔住饮咗一碗。舌尖上的牛舌牛舌系呢度嘅招牌菜，薄切嘅牛舌经预先调味，轻轻烫5秒就食得，口感丰富，肉味又香浓，唔错。竹笙大大碟，用嚟索汤，就最好味啦！手工韭菜饺打边炉就最钟意食饺，韭菜饺皮薄之余，馅料十足，韭菜味好香浓，钟意食韭菜就唔可以错过。珊瑚蚌超新鲜，又弹牙，轻轻一勺就食得。菠菜墨鱼滑墨鱼滑内有唔少墨鱼粒粒，食落好弹牙，但就略嫌菠菜味太淡。皇帝菜打边炉配新鲜又翠绿嘅皇帝菜就最好味架啦！（记住Like同Share畀朋友）By A姐M佬 玩乐日记