大門橫丁串燒手打烏龍麵店 (山東街)

营业中

休息中

夜游旺角，宵夜时段附近都无咩嘢食，周围行吓就选择左呢间专食乌冬嘅餐厅。餐厅主打手打乌冬，所以一人叫咗一个试吓。辛辣蕃茄汤叉烧手打乌冬嘅汤底都几浓，而且乌冬淋得来亦保持弹牙，主角叉烧有惊喜，好嫩，肥瘦啱啱好，值得一试。另一个乌冬系极上牛肉冷手打乌冬，首先个汁太酸，盖过咗食材嘅味道。牛肉同其他配菜都一般般，同叉烧乌冬相比，逊色不少。见到餐牌话宵夜时段嘅烧物有特价，一于试吓佢。呢个特式烧茄子好惹味，腌料好足，十分美味，茄子肉亦烧得啱啱好。呢个汁烧鱿鱼筒系今晚焦点！鱿鱼好大条，足够两个人食。佢地搽上特别既酱汁来烧，亦烧得啱啱好，爽口多汁，下次会再叫！呢个盐烧莴笋就不过不失，冇咩特别。